Nawrh huaihawtte'n UK PM in puan dumin an khuh

Britain prime minister Rishi Sunak-a kaihhruai sorkarin oil policy a siam duh lohna lantira nimina nawrh huaihawtte chuan PM private in chu puan dumin an khuh.

Nawrh huaihawttute hi environmenttal campaign group, Greenpeace UK niin, an zinga pali chu England hmar lam, Yorkshire-a PM Sunak in chungah hian lawnin, a in hi puan dumin an khuh a, "RISHI SUNAK - OIL PROFITS OR OUR FUTURE?" tih banner an tar bawk.

PM Sunak hi California -ah chawlh hmangin a zin mek a, police-te chuan nawrh huaihawtte hi building chhungah an lut lo tih an sawi bawk a ni.

Nimin vek khan sorkar oil policy duh lohna lantirin Downing Street-a PM official residence leh office bulah nawrh huaihawt a ni bawk.

Greenpeace chaun UK sorkarin North Sea oil leh gas licences thar a thlawp a, Roseband oilfield tihchangtlunna tur rawtna a siam chu an duh lo tih an sawi.