Taliban-te'n hmeichhiate Class 3 chung lam an zir khap

Afghanistan-a rorel lai, Taliban-te chuan hmeichhiate khuahkhirhna a siam belh zel. Thupek a tihchhuah hnuhnung berah zirlai hmeichhiate chu Class 3 chung lam an zir a khapsak.

Province ṭhenkhatah Taliban official-te chuan hmeichhe naupang, primary school kal lai zingah kum 10 chinte chu school an kal zawm an khapsak a ni.

Taliban sorkar hnuaia Ministry of Education chuan nikum khan hmeichhia chu Class 6 thleng school an kal a phalsak a, mahse, thupek tharah hian an rawn tidanglam leh ta a ni. Zirna lam bakah, hmeichhiate chu hnathawh khapsak an nih bakah, pawn an chhuahnaah pawh khuahkhirhna siam a ni bawk. An laina hnai mipa tel lo chuan vantlang hmuna kal chhuah leh, hmun danga zin chhuahte khap an lo ni tawh bawk.