Spain-France-a ram kang avangin mi 100 chuang sawn chhuak

Spain thuneitute chuan Mediterranean coast-a France nena an inrina, Portbou-ah Inrinni khan ram nasa takin a kang tih an sawi a, mi 130 chu hmun him lamah sawn chhuah an ni tawh.

Spain hmarchhak bial, Catolonia-a kangṭhelhtu pawlte chuan ram kang hi an ṭhelh a, France team lamin an lo pui bawk. Catalan forest ranger-te chuan ram kan chhan hi chhui mek a nih thu an sawi.

Catalan regional government chuan nimin thleng khan ram kang hi a la nasa tih an sawi a, Portbou chhim lama Llanca tourist resort a kang kai tur ven chu an dah pawimawh hmasak thu an sawi. Thli chak tak a tleh tel avangin kangmei chhuak hi a darh chak a, helai bial hi tlangram a nih avangin water-bombing plane hman pawh a harsa niin an sawi bawk.

Ram kang avang hian Portbou leh France inkalpawhna kawngpui pawh khar rih a ni a, Portbou leh Figueres inkara rel service pawh tihtawp rih a ni bawk.

Kuminah hian Spain ram hmun hrang hrangah ram kang avangin ram hectare 70,000 vela zau a kang chhe tawh a ni.