Cambodia lal-in PM atana nominate a pawm

Cambodia sorkarin an ram prime minister thar atana a nominate, Hun Manet chu nimin khan an ram lal chuan a pawm.

Hun Manet hi Cambodia prime minister ṭanglai, Hu Sen-a fapa a ni. Hun Sen hi kum 38 zet thuneihna a chelh hnuah a bang tawh dawn a, a thuneihna chu a fapa kuta hlan a tum thu a lo sawi tawh a ni. Hemi rual hian legislature leh rorellai party-ah chanvo pawimawh tak erawh chu a chelh chhunzawm zel ang.

July thlaa inthlanpui neihah khan rorellai party, Cambodian People's Party (CPP) chu hneh taka thlan tlin leh niin, Parliament seat 125 zinga seat 120 an la leh a ni. Hun Sen hian PM nih chhunzawm a tum tawh loh avangin, National Assembly chuan tun thla chhungin amah thlaktu tur hi a thlan a ngai a ni.

PM atana nominate, Hun Manet hi kum 45 mi niin US leh Britain-ah lehkha a zir ṭhin a, heng ram pahnih aṭang hian economics-ah master leh doctorate degree a nei a ni. US-a West Point military acadey chhuak ni bawkin, Camobia deputy armed forces commander-in-chief a ni.