Kim Jong-un leh a farnuin chhiatna thlenna hmun tlawh

North Korea hotupa Kim Jong Un chuan nimin khan an rama thlipui tleh leh tuilian vanga chhiatna thlenna hmunte a tlawh a, he hunah hian a farnu Kim Yo Jong chuan a zui a ni.

Kim Jong-un hi thla hnih hnua mipui hmaa a inlan leh hmasak berna a ni. Chhiatna thlenna hmun, Kimhwa County-a chhawmdawl hna thawh mek tute hnathawh chu a fak hle tih  an ram media, Korean Central News Agency (KCNA) chuan a tarlang.

Kumin hian an ramin hun harsa tak a tawh thu Kim chuan a sawi a, chhiat tawkte chhamdawl leh ṭanpui hna thawktute chu a fak rualin, chhiatna thlenna buala in an sak dan chu ṭha a ti lo tih a sawi bawk niin KCNA chuan a tarlang. NKorea-ah hian kumin chhungin tuilian vangin mahni chenna in chhuahsan a, hmun him lama tlanchhia mi 1,000 chuang an awm tawh a ni. Tuilian hian thlai chinte tam tak a tihchhiat avangin ei leh in lamah pawh  harsatna an tawh phah bawk.