US khawchhak lam bialah thlipui tleh

United States (US) khawchhak lamah Thawhṭanni khan ruah leh thlipui a thawk a, mi nuai tel power supply nei loin an awm.

Thlipui tleh hian Alabama aṭanga New York thlengin, state 10-in an tuar a, thingkung eng emaw zat a chhem tlu. National Weather Service (NWS) chuan thlipui hi darkar khata km 130-a nain a tleh niin an sawi.

Alabama-ah mi pakhat chu industrial park-a a awm lai ṭekin a deng hlum a, South Carolina-ah tleirawl pakhat chu thingkung tluin delhin a thi bawk. Thawhṭanni zan lam thleng khan East Coast-ah mi nuai 7 chuang power supply nei loin an awm a ni.

Thlipui thawk avang hian Thawhṭanni khan US flight 1,700 cancel a ni a, flight 8,000 vel tihkhawtlai a ni bawk.