Israel Defence Minister-in Lebanon leh Hezbollah vau

Israel defence minister Yoav Gallant chuan Lebanon rama inkhuar, Iran thlawp Hezbollah pawlin Israel laka indo a chawk chhuak leh a nih chuan, Lebonon chu 'stone age' hunlai angah khan an kirtir leh dawn tiin a vau.

Israel leh Hezbollah indo hnuhnung ber chu kum 2006 kha a ni a, mahse, March thlaa Israel rama bomb tihpuah chu Hezbollah mi leh sate thiltihah puh a ni. Tun hnaiah Lebanon nen an inrinaah Hezbollah-te hi Israel tana pawikhawihna lam hawia chea puhna a awm leh ṭhin a ni. Defence Minister Galland pawh hian Thawhlehni khan ramri hi a tlawh a ni.

Pathiannia Israel cabinet meeting neihah pawh Hezbollah chungchang hi sawiho a ni bawk.

Galland chuan video-a thuchah a sawiah, Hezbollah secretary-genreal Hassan Nasrallah chu vaukhanin, "Engmah tihsual nei suh u. Indo hi kan duh lo, mahse, kan mite, kan sipaite leh kan ram venghim tur erawh chuan kan inpeih reng," tiin a sawi. Hezbollah-te chuan a hmaa an lo tihsual tawh avangin nasa takin an tuar tawh a, buaina a chhuak leh a nih vaih chuan Lebanon ram chu Stone Age hun laia mi angah khan an kirtir leh dawn a ni, a ti. A ṭul a nih chuan, Israel chuan Hezbollah leh Lebanon nuai chimit vek turin a thiltih theihna a hmang hreh dawn lo, a ti.