Pakistan caretaker PM atan Kakar ruat

Pakistan senator Anwaar-ul-haq Kakar chu catetaker prime minister atan ruat a ni.

Kar liam ta Inrinni khan prime minster kal chhuak tur, Shehbaz Sharif leh eptu hruaitu, Raja Riaz-te chuan meeting neiin, caretaker prime minister tur hi an ngaihtuah a, meeting vawi hnih an neihnaah hian an inrem thei ta a ni. Raja Riaz chuan caretaker PM atan chuan province te zawka mi, province te zawkte harsatna hrethiam leh chinfelsak thei tur dah turin kan inrem a ni, a ti. Hruaitu pahnihte'n caretaker PM tura an rawt hi president Dr Arif Alvi chuan Constitution-a Artict 224A hnuaiah a pawmsak nghal a ni.

Inthlanpui buatsaih a nih theihna atan kar liam ta Nilaini khan PM Sharif thurawn angin Pakistan Parliament chu thiah a lo ni tawh a, ni 90 chhung ngeia inthlan buatsaih a ngai a ni. Mahse constituency ṭhenkhat siamrem a nih dawn avangin hun pek belh an ni mai thei thung. Hetih lai hian prime minister hlui, Imran Khan chu eiruk thubuaiah thiam loh chantir a, kum thum tang tura hrem a nih avangin tun ṭum inthlanpuiah chuan a chuh ve thei dawn lo.

Caretaker prime minister atana ruat, kum 52 mi Kakar hi Balochistan Awami Party (BAP) member a ni a, inthlan neih hma chu sorkar a enkawl ang. Kakar hi 2018 atang khan Senate member a ni. Pakistan foregin policy siamna kawnga pawh mi pawimawh tak a ni ṭhin. Pashto, Urdo, Persian, English, Balochi leh Bravhi ṭawngte a thiam nal hle.