Myanmar-a leiminah chin hriat lohin mi 30 chuang awm

Myanmar rama Kachin state-a lunghlu hring, jade khur bulah leimin nasa tak thlengin, chin hriat lohin mi 30 chuang an awm mek tih nimin khan official-te'n an sawi.

Chhiatna thlenna hmun hi Yangon khawpui aṭanga hmar lam, km 890 vela hla, Hpakhan hmunah a ni, he hmun hi khawvela lunghlu khur, jade mine lian tak tak awmna hmun a ni.

Official-te chuan an ram huna Pathiannni tlai dar 3.30 vel khan Manna khaw bula lei nasa taka rawn minin, leimin hian lunghlu zawng mek mi 30 chuangte chu a hnuai lam dilah a hnawl thla niin a sawi. Chin hriat loha awm mekte zawn hna hi thawh mek a ni.

Kum 2020, July thla khan he hmunah hian leimin avangin mi 162 an lo thi tawh a, kum 2015 November thlaah mi 113 an thi bawk.