Russia-a petrol station kangah mi 33 thi

Russia chhim lam, Dagestan regional capital, Makhachkala-a petrol station chu an ram huna Thawhṭanni zan dar 6:40 vel khan a kang a, mi 33 an thi a, hliam tuar eng emaw zat an awm.

Kangmei hi petrol station bula auto repair shop aṭanga chhuak ṭan niin, rang takin petrol station hi a kang kai a ni. Kangmei chhuak ṭhelh tur hian emergency worker 260 vel an thawk chhuak nghal a, darkar thum leh a chanve vel hnuah an ṭhelh mit thei chauh a ni. Hliam tuar zinga a na zualte hi thlawhtheihnain Moscow lamah hruai nghal an ni bawk.

Russia president Vladimir Putin chuan petrol station-a chhiatna thleng avanga thi chhungte a tawrhpui thu sawiin, kangmei chhuak avang hain Kumtorkalinsky district-ah state of emergency puan nghal a ni.

Investigative Committee chuan kangmei chhuak chungchangah criminal case ziah luh a ni tih an sawi.

Dagestan hi Russian Federation-a constituent 83 zinga pakhat niin, Russia chhim tawpa awm a ni. Regional capital Makhachkala hi Moscow aṭangin km 1,600 vela hla a ni.