Singapore-in India mi eisiam thiamte rawih phalsak

Singapore sorkar chuan hospital sector lama thawktu indaih loh avangin, an rama hotel leh restaurant-te chu eisiam turin Indian cook-te an rawih a phalsak.

A hmaa an tihdan phungah chuan, Singapore hian manufacturing leh service sector-ah China, Malaysia, Hong Kong, Macau, South Korea leh Taiwan mite chauh work permit pek a phalsak ṭhin.

Ministry of Manpower chuan kaihhruaina thar hi tichhuakin, September 1 aṭangin non-traditional sources (NTS) ami thawktu rawih duhte chuan website-ah dilna an thehluh theih tur thu a sawi. NTS hian Bangladesh, India, Myanmar, Philippines, Sri Lanka leh Thailand-te a huam a ni.

Singapore Hotel Association executive director Margaret Heng chuan sorkar thutlukna siam chu lawmawm a tih thu a sawi a, NTS amite rawih phalsak an nih chuan thawktu indaih lohna awm ṭhin pawh a ziaawm chhoh phah ngei dawn a ni, a ti.