PM Modi hoin BJP CEC meeting nei

18th August, 2023

Prime minister Narendra Modi hoin Nilaini khan BJP central election committee (CEC) meeting neih a ni a, Madhya Pradesh leh Chhattisgarh inthlan neih tura party hmalakna leh inbuatsaih dan turte an sawiho.

Meeting-ah hian CEC member-te an tel kim vek a, an zingah hian PM bakah home minister Amit Shah, defence minister Rajnath Singh leh president JP Nadda-te pawh an tel.

CEC hian tihdan phungah chuan inthlan neih hun tur puan hnuah chauh meeting hi an nei ṭhin. Mahse kuminah hian assembly inthlan hi state panga - Chhattisgarh, Madhya Pradesh, Rajasthan leh Mizoram-ah neih a ni dawn a, nakkumah Lok Sabha inthlanpui neih a nih dawn bawk avangin hma lak hma an tum a ni. Kum 2018 inthlanah khan Chhattisgarh leh Madhya Pradesh-ah BJP hi an chak zo lo a, hei vang hian kumin inthlanah chak ngei tumin ṭan an la mek a ni.