Spain ram kangin khaw 11 tibuai tawh

Soain rama Tenerife island-a ram kang nasa tak thleng chuan khaw 101 a tibuai tawh a, heng khaw hrang hranga chengte hi hmun him lama insaseng tura hriattir an ni tawh bawk.

Khaw lum, ro leh thil tleh avangin Inrinni zan thleng khan ram kang hi ṭhelh mih hleih theih lohin a la awm tih emergency service chuan an sawi.

Tenerife local government hotu, Rosa Davila chuan kang mei chhuak chu a nasat em avangin mipuite hi insawn chhuak tura hriattir an ni tih a sawi. Nimin thleng khan mi 12,279 chu sawn chhuah an ni tawh a ni.

Kar liam ta Nilaini aṭang khan Spain rama tlang sang ber, Mount Teide hmar lama national park aṭangin ram hi a kang ṭan a, ram acre 20,000 chuangah a kangkai tawh.

Thla khat liam ta khan Spain rama Canary Island-a La Palma-ah ram kang avangin mi 4,000 te chu sawn chhuah an lo ni tawh bawk.