Greece-in Ukraine pilot-te training pe dawn

Greece chuan Ukraine pilot-te chu F-16 fighter jet khalh leh enkawl dan zirtirin training a pe dawn tih Ukraine president Volodymyr Zelenskyy chuan a sawi.

Denmark leh Netherlands ram chuan Russia nena an indo meknaah, Ukraine Air Force hman turin US siam, F-16 indo thlawhtheihna an pek tur thu an lo sawi tawh a, hemi hnu hian heng indo thlawhtheihna hman dan zirtir turin Greece hi a rawn pen chhuak ve leh a ni.

Greek Air Force hian F-16 jet an hmang nasa a, Greek pilot-te hi US siam indo thlawhtheihna hmang thiam ber zinga ngaih an ni. Ukraine pilot-te chu he indo thlawhtheihna hman dan hi Denmark leh Romania ramah an zirtir dawn a, tun thla chhung hian ṭan hman an tum. Batch hmasa berte hian nakkum kumtir lamah training hi an zo thei ang.