New Zealand PM hlui USD mtd 3.9 chawitir

New Zealand prime minister hlui, leh hmeichhe prime minister ni thei hmasa ber, Jenny Shipley chu construction company tlakchhiat chungchangah mawhphurtua puhin, Supreme Court chuan USD mtd 3.9 chawi turin a ti.

Jenny Shipley hi kum 1997-1999 chhung khan New Zealand Prime Minister a ni a, construction frim Mainzeal-ah board chairperson a ni bawk. Kum 2013 khan hun rei tak sum lama harsatna a tawh avangin he company assets-te hi hralhin tihtawp a ni. PM hlui Shipley leh company director - Richard Yan, Clive Tilby leh Peter Gromm-te chu company-in sum tam tak a hloh phah leh, a leibate pawh pe thei loa a awmna kawnga mawhphurtuah puhin thubuai siamsak an ni zui bawk.

Supreme Court chuan Maizeal creditor-te hnena zangnadawmna pek tur, USD mtd 23.55 chu an pali hian chawi turin a ti a, an chawi zat tur hi a sem a ni. Yan chu mawhphurtu bera puh niin a chawi tam ber ang.