Darkar 24 chhungin Covid-19 kai thar mi 60,000 chuang awm

Khawvel pumah Thawhlehni khan Covid-19 kai hmuh chhuah thar mi 67,600 an awm a, hri vanga thi hi mi 3,228 an awm bawk.

Worldometers-in a tarlan danin nimin thlenga khawvel puma hri kai zawng zawng zat hi mi 49,89,546 an tling tawh a, an zinga 19,61,062 chu enkawl dam tawh niin, he hri vanga thi hi 3,24,974 an awm tling tawh a ni. 

US chu khawvela hri kai tamna ber ram a la ni zel a, nimin khan he hri vanga thi hi mi 713 an awm. Anni nen hian Covid-19 vanga US-a thi hi mi 93,533 an awm tawh a ni. Hri kai enkawl dam, damdawi-in aṭanga chhuah hi mi 36,1,180 awmin, recovery rate hi 79% a ni, thi zat rate hi 21% a ni bawk. 

Russia-ah darkar 24 chhungin hri kai thar mi 9,300 an awm bawk a, hri kai hmuhchhuah hi 299,941 an awm tawh. US tih lohah Russia hi Covid-29 kai tamna ber ram a ni. Spain chuan dawtin nimin khan hri kai thar hi mi 615 an awm a, an vaiin hri kai zat hi mi 278,803 an awm.

Covid-19 vanga thi tamna ram :

     Ram    Thi zat

1)  USA    92,694 

2)  UK    35,341

3)  Italy    32,169

4)  France    28,239

5)  Spain    27,778

Canada leh US-inramri khar chhunzawm remti

Canada leh United States (US) chuan hripui leng avanga ramri an khar chu thla  khat dang khar chhunzawm an remti. 

Canada prime minister Justin Trudeau chuan ram pahnihte hian an rami hi non-essential item tan thla khat dang khar chhunzawm an remtih thu a puang. Canada ramah hian Covid-19 hi mi 79,970 awm tawhin, mi 5,900 in an thihpui tawh a ni.