Pakistan PM hlui Imran Khan thu zawtfiah

Pakistan prime minister hlui, Imran Khan chu Federal Investigation Agency-a counter-terrorism official-te chuan Inrinni khan a tanna, Attock Jail-ah thu an zawtfiah ṭan.

Kum 70 mi, Imran Khan hi eiruk tun thla tir lama thubuaiah thiam loh chantir a nih hnuah kum thum tang turin hrem a ni a, Attock Jail-ah a tang mek a ni.

Pakistan Tehreek-e-Insaf (PTI) chairman hi PM a nih laia US-a Pakistan embassy aṭanga sorkar thuruk pawimawh an dawn ṭhenkhat mipui hriata puangzarah puh a ni a, hei vang hian Official Secrets Act hnuaiah thubuai siamsak a ni.

FIA team hian darkar khat chuang PTI hotu hi thu an zawt a, cypher copy bo chungchangte an zawt. He case kaihhnawihah hian PTI vice chairman leh foreign minister hlui Shah Mahmood Qureshi pawh thubuai siamsak a ni bawk.

Imran Khan hi nikum April thla khan Parliament-ah no-confidence vote hmangin Prime Minister a nihna aṭanga paihthlak a ni. Paihthlak a nih hnuah hian thubuai hrang eng emaw zat siamsak a ni tawh a ni.