Saudi Arabia-in school naupang nu leh pate hrem theihna dan siam

Saudi Arabia sorkar chuan school naupang leh an nu leh pate tan dan khauh tak siamin, naupang chu ni 20 chhung chhan ṭha tak nei loa school a kal lo a nih chuan, a nu leh pate chu jail-ah tantir theih an ni dawn.

He dan thar hi Child Protection Law zulzuia siam niin, zirna ṭha zawk siamna tura an hmalakna a ni tih an sawi.

Zirlai naupang chu chhan ṭha tak nei loa ni 20 chhung school a kal lo a nih chuan, amah enkalwtute chu Child Protection Law hnuaiah public prosecutor-in a chhui chiang ang. A chhui zawh hnuah, a case hi court-ah a thlen dawn a, naupangte school kal loh chungchang chu nu leh paten an ngaihven tawk loh vang a nih chuan, nu leh pa emaw, naupang enkawltu guardian-te chu jail-ah tantir theih an ni dawn a ni.