France-in school-ah abaya dress hak khap dawn

France sorkar chuan Muslim hmeichhiate'n an hak ṭhin, thawmhnaw thawl tak leh an ke thlenga khuh, abaya chu school-ah zirlai naupangte'n an hak a khap dawn.

Education minister Garbiel Attal chuan school-a abaya khap a nih tur hi sawiin,"Classroom-a luhin, zirlaite chu an thawmhnaw inbel aṭanga an sakhaw thliar hran theih nghal an ni tur a ni lo," a ti.

Kum zabi 19-na aṭang khan France hian school-a sakhaw chhinchhiahna lantir theihna hrang hrangte chu a lo khap ṭan tawh a ni. Kross lian tak awrh te, Jewish kippa leh Islamic headscrave inbelte pawh a lo khap tawh. Kum 2004 khan shcool-ah lu tuam a khap a, 2010-ah vantlang hmuna hmai khuhna hman a lo khap tawh bawk a, hei hi Muslim lamin an sawisel nasa hle. Tun hnaiah abaya chungchangah inhnialna nasa tak a awm leh a, Minister hian khap a ni dawn tih a rawn puang ta a ni.

French Council of Muslim Faith (CFCM) chuan abaya ringawt chu sakhaw chhinchhiahna, religious sign a ni hran lo tih a sawi.