Russia President Putin a bang dawn

Russia President Vladi­mir Putin chu a taksa lam hrisel lohna avangin nakkum kumtir lamah President a nihna aṭangin a bang dawn nia sawi a ni. 

Kum 68 mi, Putin hian Parkinson Disease symptom a neih nia sawi a ni a, tunhnaia a video footage tihchhuahah pawh a kut leh ke chet kawngah harsatna a nei niin a lang. 

Moscow political scien­tist Professor Valery Solovei chuan Putin hian nakkum January thlaah a ban thu hi puanzar a tum niin a sawi. 

Putin hi a kawpui, Alina Kabaeva leh a fanute pa­hnih, Maria Vorontsova leh Katerina Tikhonova te pawhina  hriselna ṭhat loh vang hian ram hruaitu a nihna aṭanga chawl mai tur leh, in enkawl turin an nawr a ni.

Kum 20 chhung chu Putin hian Russia prime minister leh president dinhmun a lo chelh tawh a, a term hman mek hi kum 2024 a tawp tur a ni. Mahse tunhnaiah kum 2036 thlenga thuneihna a chelh chhunzawm theihna turin ram danpui siamṭhat a lo rawt tawh a, hemi chungchanga mipui vote laknaah pawh 78% in danpui siamṭhat hi an thlawp a ni.