Khawvelah Covid-19 kai mtd 49 chuang tawh

Khawvel pumah Covid-19 kai hmuh chhuah tawh chu mi maktaduai 49 chuang an ni tawh a, an zinga maktaduai 12.7 vel chuan hri hi an la kai mek a ni. Hripui vanga thi hi mi maktaduai 1.23  chuang an awm tawh bawk. 

Ningani khan khawvel pumah hri kai hmuh chhuah thar 6,00,000 chuang an awm leh a; US, France leh India chu hri kai hmuh chhuah thar tam zualna ram an ni. 

US-ah hian Covid-19 hmuh tawh hi maktaduai 9.5 an tling tawh a, Nilaini leh Ningani khan hri kai hmuh thar hi 1,00,000 an chuang ve ve a ni. US bakah India, Brazil, Russia, France, Spain, Argentina, UK, Colombia leh Mexico-te chu hri kai tam zualna ram 10-ah an tel.