Thailand lalin cabinet thar a pawm

Thailand lak, King Maha Vajiralongkorn chuan an ram inthlanpui an neih aṭanga thla thum hnuah, prime minister Srettha Thavisin kaihhruai cabinet thar chu Zirtawpni liam ta khan a pawmsak ta.

August 22 khan Pheu Thai party hruaitu, Srettha Thavisin chu Parliament chuan an ram prime minister atan a ruat a ni.

Inthlanpui an neiha party mala seat la hnem ber, Move Forward party-in PM candidate atana a ruat, Pita Limjaroenrat chu Parliament hian a pawm loh avangin hun rei tak sorkar siam thei loin an awm phah a ni. Move Forward party PM candidate pawm a nih tak loh avangin, seat la hnem ber dawttu Pheu Thai party hian party dang thawhpuiin, candidate a siam ve leh a, parliament-ah a tlang thei ta a ni.

PM Thavisin hian a cabinet member turte ruat nghalin, an zingah hian deputy Prime Minister atan mi paruk ruat an ni.