Taiwan-ah typhoon Haikui a tleh

Taiwan ramah Pathianni khan thlipui, typhoon Haikui a tleh a, ruah nasa taka sur bawkin chhiatna thlengah mi 40 chuang an hliam. Nimin khan thlipui hian China chhim lam a pan leh a ni.

Haikui hi kum li hnuah Taiwan rama typhoon tleh leh hmasa ber a ni. An ram chhimchhak lama thlipui tleh leh ruah sur nasa tak avang hian mi 7,000 chuang, a bikin tlangdunga chengte chu hmun him lamah sawn chhuah an ni.

Thlipui tleh avang hian central Taiwan, chhim leh khawchhak lama khawpui hrang hrangah nimin khan thlawhtheihna service tam tak tihtawp a ni a, sumdawnna hmun leh school-te khar a ni bawk. Chhungkaw 2,17,000 te chuan power supply an nei lo bawk a ni.