Israel-in Bahrain-ah embassy a hawng

Israel sorkar chuan Bahrain ram nena an inlaichinnate an siam ṭhat hnuah, Thawhṭanni khan Bahrain-a a embassy chu official-in a hawng.

Embassy hawnna hun buatsaih hi Israel foreign minister Eli Cohen chuan a hmanpui a, Bahrain foreign minister nena ram pahnihte inzawmna ṭha zawk siam chhoh a, direct flight, tourism, trade leh investment lamah pawh thawh dun chhoh zel an rel tih a sawi.

US President hlui, Donald Trump hmalaknaa kum 2020-ah Israel-in Arab ramte nena inzawmna siamna tur, Abraham Accords a siam hnuaiah Bahrain hi inremna a siampui a ni. Anni bakah UAE, Morocco leh Sudan-te pawh inremna a ziahpui bawk. US chuan Saudi Arabia pawh inremna siam tur hian a nawr mek a ni.

Hetih lai hian Palestinian lam chuan Israel nena inremna siamtu Arab ramte chu na taka sawiselin, Israel-in an ram a luahsak hnuaia Palestinian-te harsatna tawhte haidersak leh phatsantuah a puh.