Gabon sipaite'n President hlui Bongo zin chhuah phalsak

Gabon sipaite chuan an ram President an paihthlak tak, Ali Bongo Ondima chu house arrest aṭangin an chhuah a, ram danga inenkawl tura a kal chhuah phalsak a ni tih an sawi.

Sipaite hian August 30 khan President Bongo leh a kaihhruai sorkar paihthlain, Bongo hi pawn chhuak thei loin an hreng zui a ni.

Sipai thupuangtu, Colonel Ulrich Manfoumbi chuan, "President hlui Ali Bongo Ondima chu a hriselna dinhmun ngaihtuahin a duh anga a tei vel phalsak a ni a, a duh a nih chuan medical check-up nei turin ram dangah pawh a kal phalsak a ni," a ti.

Bongo hi kum nga liam ta khan a lo stroke tawh a, sipaite'n an hren beh hnu hian a doctor pawh a hmu thei lo nia sawi a ni. President hlui hi a kal chhuah phalsak ni tawh mah se, Bongo nupui leh a fapa Noureddin-te erawh chu ram phatsantu a puh an nih chungchangah Presidential palace-ah hren chhunzawm an la ni thung.