Hnathawktu 2-in Great Wall of China tichhia

Great Wall of China-a hmun pakhat chu hnathawktu pahnihte kalkawng hnaivai, shortcut siamna atan a bang awng lai an tihchhiat belh.

Police-te chuan thawktu pahnih, mipa leh hmeichhiate hian an khawl ken tel a ngaih avangin, kawng hnai zawk zawn nan bang awng lai chu an khawl lian kalpui theihna tur khawpa zauin khawl hmangin an tihchhiat belh tih an sawi. Heng mi pahnihte hi Great Wall of China bula hna thawkte an ni tih an sawi bawk.

Great Wall of China an tihchhiatna lai hi central Shanxi province-a Yougy county huam chhung, Ming Great Wall hmunah a ni. Police-te chuan an thil tihchiat hi siam ṭhat theih tawh loh, Ming Great Wall hlutna tihchhiatna a ni bakah, an ram rohlu tak himna pawh an tichhia a ni, an ti. Bang tichhetu mi pahnihte hi man an ni tawh a, thu zawh fiah mek an ni.