Netherlands-ah climate activist 2,400 man

Netherlands-ah Inrinni liam ta khan climate activist-te chuan sorkarin fossil fuel industry tana subsidy a pek chu tihtawp phutin nawrh an huaihawt a, nawrh huaihawt zinga mi 2,400-te chu police-te'n an hreng.

Sorkarin nawrh huaihawtte hi traffic tibuai lo tura a hriattirna chu zawm duh loin, pung khawmte hian The Hauge khawpuia A12 highway an dang lui a ni. Pung khawm hi mi 10,000 vel an tling.

Kawngzawh huaihawttu hi Extinction Rebellion an ni a, Netherlands sorkarin oil leh gas industry subsity pekna atan public fund a hman ṭhin a tihtawp hma chu nitin lungawi lohna lantir chhunzawm zel an tum tih an sawi. Nawrh huaihawt hi Greenpeace leh pawl dangte'n an thlawp bawk a ni.

Police-te chuan kawngpui dangtute hi hnawh darh an tum a, an kal darh duh loh avangin water cannon hmangin, an zinga ṭhenkhat chu an man zui a ni.