Hawaii-a Kialuea tlang kang invawrh chhuak leh

Hawaii, US-a Big Island-ah Pathianni tlai khan Kalauea tlang kang a invawrh chhuak leh a, kumina ṭum thum tlang kang a invawrh chhuahna a ni.

Hawaii Emergency Management Agency chuan tlang kang hian mipuite tan harsatna lian tham a thlen hran lo a, mahse, tlangkangin gas a tihchhuah chuan mi ṭhenkhat tan thawk lama harsatna a thlen theih thu an sawi.

Hawaii Volcanoes National Park bula awm, Kilauea tlang hi khawvela tlang kang thlen ngunna ber zinga mi a ni. Kumin January leh June thlaah pawh nasa takin tlang kang hi a lo invawrh chhuak tawh a ni. Kum 2018-ah tlang kang hian chenna in 700 chuang a lo tichhe tawh bawk a ni.