US-a lirnghingah in 100 chuang chhia

US chhim lama North Carolina-a Alleghany County hmuna in 100 chuang chu lirnghing magnitude 5.1-a na in a sawi chhia a, mahse thi leh hliam erawh an awm lo.

Lir nghin hun hi an ram huna Pathianni zing lam kha a ni a, kum 1916 hnua North Carolina-a lirnghing na ber ni hialin US Geological Survey (USGS) chuan a tarlang. Lirnghing inṭanna hi Alleghany County-a Sparta khaw bul,  km 9.1-a thuk aṭangin a ni. 

Lirnghing vang hian thi leh hliam an awm hriat a nih loh thu he khuaa emergency management coordinator, Daniel Roten chuan a sawi. Mahse chenna in 100 chuang a chhiat thu leh, emergency management team-te chuan heng chhiatna thlenna hmunah hian ṭanpui hna an thawk mek tih a sawi bawk.