Bangladesh-in France aṭangin Airbus aircraft 10 lei dawn

13th September, 2023

Bangladesh chuan France ram aṭanga Airbus aircraft 10, USD tld 3.2 hu leina tur inremna chu Thawhṭanni khan a ziahpui.

Dhaka-a Bangladesh prime minister Sheikh Hasina leh France president Emmanuel Macron-te'n meeting an neihnaah inremna hi an ziak nghal a ni. Macron hian Thawhṭanni khan Bangladesh hi tlawhin, France President zingah kum 33 chhunga Bangladesh ram tlawh hmasa ber a ni.

Bangladesh flagship carrier, Biman Airline chuan Airbus hnen aṭang hian A350 10 hi a lei dawn a, a hmain US manufacturer Boeing hnen aṭangin aircraft a lo lei tawh bawk. Kum 51-a upa, state-run airline hian thlawhtheihna hi 20 chuang nei mekin, a tam zawk hi Boeing an ni.