US-in Iran inremna a ziahpui

US chuan America khua leh tui, Iran-in a hren mekte chhuah zalen an nih theihna tur atana Iran a hrekna, international bank-a Iran pawisa USD tld 6 pe chhuak turin inremna a ziahpui. Inremnaah hian US-in Iran mi a hren mekte chhuahna tur a tel bawk.

US secretary of state Anthony Blinken chuan inremna hi kar hmasa kar tawp khan ziah a nih thu a sawi a, US Congress chu Thawhṭanni khan hriattir chauh an ni. He inremna ziah hian European, Middle east leh Asian bank-te tan US chet dan pela Iran hrekna atana Iran pawisa lo tihtan a rem tawh dawn lo a, Iran pawisa hi South Korea aṭangin Qatar-ah transfer a ni ang a, heta ṭang hian Iran chuan pawisa hi a hmang thei dawn a ni.

Iran hrekna thlah a, USD tld 6 zet pek chhuah a nih hian Iran-in America mi a man, tang panga zinga pali chhuah an ni dawn a, pakhat hi a hmain chhuah a lo ni tawh a ni. An vai hian jail aṭangin house arrest-ah dah vek an ni ang. Foreign bank kaltlanga Iran-in a hlawkna tur sum tam tak hi US hian a lo hrek tawh ṭhin a, hei hi Europea ramte pawhin an zawm ve mai ṭhin a ni.