Morocco lirnghing avanga thi 3,000 dawn tling tawh

Morocco rama lirnghingin chhiatna a thlena thi chu nimin thleng khan mi 2,862 tling tawhin hliam 2,562 an awm bawk. Chhanchhuah hna thawktute chuan in chim hnuaia tang, nung dama awmte zawn leh chhanchhuah hna ngawrh takin an thawh chhunzawm zel.

United Nations chuan kar liam ta Zirtawpnia lirnghing hian naupang nuai khat vel zet a nghawng tih an sawi.

Red Cross chuan Morocco ram puihna tur hian USD mtd 110 chuang hmanhmawh taka mamawh a ni tih sawiin, ṭanpuina pe tur hian ram leh pawl hrang hrangte a ngen.

Ram hrang hrangin chhanchhuah hna thawhna kawnga puitu tur an tir tawh bawk. Mi tam tak chu chenna in nei loin, kawtthlerahte an la khawsa mek bawk a ni.