Libya ram tuilian avanga thi 5,000 chuang an tlin ring

Libya rama tuilian avanga thi chu mi 5,000 an tlin rin a ni a, chin hriat lohin mi 10,000 vel an awm mek. Tuilian hian an khawchhak lam Derna khawpui hmun lia ṭhena hmun khat chu a tichhia a ni.

Eastern Libya official-te chuan thi zat hi 5,000 an chuang tawh nia an chhut thu an sawi. Minister of civil aviation Hichem Abu Chkiouat chuan hmun tinah ruang hmuh tur a awm tih sawiin, Derna khawpuia in tam tak chu a tlu sawp tawh a ni, a ti. Derna khawchhak lam km 250 vela hla, Benghazi khawpui pawhin tuilian hi an tuar nasa hle bawk.

United Nations Office for the Coordination of Humanitarin Affairs chuan tuilian tuarte ṭanpui leh chhanchhuah hna thawk turin emergency response team-te tirh an ni tawh tih a sawi. Ram hrang hrang pawhin ṭanpui tur an thawn tawh bawk a ni.