Israel-in Gaza-a Hamas hmun a bei

Israel air force-te chuan Gaza Strip-a Palestinian helpawl, Hamas te hmun chu an bei leh a, hei hi Gaza aṭanga rocket hmanga Israel chhim lam beih a nih avanga a chhan letna a ni.

Israel sipaite hian Inrinni khan Rafah-a Hamas ho hmun pali an bomb a, thi erawh an awm lo. Israel sipaiten an beih zingah hian Hamas military training facility pahnih a tel. Israel Defence Force chuan Gaza Strip aṭanga Israel beihna zawng zawngah Hamas te chu mawhphurtua an ngaih thu a sawi. Zirtawpni pawh khan Gaza aṭang hian Israel hi rocket hmangin beih a lo ni tawh bawk a, mahse thiltih chhiat a neih hriat a ni lo.

Sunni helte chuan Palestinian ram aṭanga Israel lama rocket kaptute hi an nih thu an sawi a, mahse hei hi Israel chuan pawm lo a, Gaza-a roreltu Hamas chu mawhphurtuah a puh a ni.