US firm-in Muslim mi 200 a bân
US-a Cargill Meat Solutions chuan hna-thawka a chhawr, Muslim mi 200-te chu ṭawngṭai chungchanga an inrem theih loh avangin a ban.
Fort Morgan, Colo-rado-a Cargill Meat Solutions-in hnathawk a bante hi a tam zawk chu Somalia ram aṭanga pem lutte an ni a, an hnathawhna hmunah
ṭawngṭaina hun an pe
ṭha lo nia complain an thehluh hnuah firm hian a hnathawkte hi a ban a ni.
Company chuan Muslim mi a chhawrte tan hian ṭawngṭaina tur room hran a pe tih a sawi a, mahse hnathawktute chuan firm hi a policy hi a thlak danglam leh niin an sawi thung.
Council on American-Islamic Relations (CAIR) thupuangtu Jaylani Hussein chuan, "Hnathawktu ban takte hi mi ṭha tak an ni a, thildangah buaina pawh an nei hran lo. Mahse an hna chan aiin ṭawngṭai hun neih tlem chu an hlau zawk a ni," a ti.
Company thupuangtu chuan hnathawktu ban takte hi a zawnin ni thum chhung an hnaah an kal loh chuan an hna an chan mai theih thu hriattir an ni chungin an kal lo lui a, hei vang hian ban an ni ta niin a sawi.