Ukraine President-in White House a tlawh dawn

Ukraine president Volodymyr Zelenksyy chu kar leh hian United Nations General Assembly, New York-a neih tur hmang turin US-ah a zin dawn a, a cham chhung hian Capitol Hill leh White House a tlawh ang.

US Congress chuan Russia nena indo mek, Ukraine ram tana sipai leh mipuite chhawmdawlna tur, USD tld 21 pek chungchang an sawiho mek a ni.

Zelenskyy hian kar leh Ningani hian US president Joe Biden chu White House-ah a hmu dawn a ni. . Kum 2022 December thla khan US hi a lo tlawh tawh bawk. Hemi ṭum hian America mipuite hnenah Ukraine tana ṭanpuina an pek ṭhin avanga lawmthu hrilhin, US roreltute hnenah an sum pek ṭhin chu charity ni loin, khawvel himna leh democracy tundinna tur investment a nih thu a hrilh bawk.

US secretaray of state Antony Blinken chuan kar liam ta khan Ukraine hi tlawhin, Ukraine ram chhawmdawlna tur USD tld 1 an pek tur thu a lo puang tawh a ni. An thil pek tur zingah hian a hmaa Ukraine ram tan an pe dawn lo tia an lo sawi tawh, uranium tank shell pawh a tel.