Pakistan-a thihchilh bomb puakah mi 22 an thi

Pakistan hmarthlang lam, Khyber-Pakh-tunkhwa bialah nimin khan sorkar office-ah thihchilh bomb a puak a, mi 22 an thi a, mi dang 40 in hliam an tuar.
Bomb tipuaktu hi Taliban suicide bomber nia hriat a ni a, Mardan khuaa sorkar ID card pekchhuahna, National Database and Registration Authority (Nadra) office-ah bomb hi a tipuak a ni.

Bomb puak hian office kawngkhar leh tukverhte a tichhia a ni. Bomb puah lai hi office-a dawrtu an tam lai a ni a, mi 22 an thi a ni. Deputy Inspector General Mardan Division Saeed Wazir chuan thihchilh bomb a nih thu a sawi a, a tihchhan tak erawh hriatchian ala ni lo tih a sawi. Tehreek-i-Taliban Pakistan peng pakhat, Jamaatul Ahrar chuan bomb tipuaktu an nih thu an chhal a, anni hi nikum Wagah Border-a bomb tipuaktute kha an ni.

Hliam tuar zingah eng emaw zat chu an dinhmun a ṭha lo hle a, Mardan Medical Complex leh hospital dangahte enkawl an ni.