Trump a insawi fiah

US Republican presidential candidate, Donald Trump chuan a US-a Muslim mite luh khap a rawt chungchang-ah a ṭanhmun a la ngai reng tih a sawi. Donald Trump-a thusawi hi presi-dential candidate dangte bakah, hruaitu hrang hrang-ten an sawisel nasa hle.

Tunhnaiah Somalia-a firfiak pawl, Al-Shabab pawhin member thar lakna tur zawnga, indona thianghlim an puana tel tur a zawnna atan a video clip hi an lo hmang tel hial a ni.
Mahse Trump chuan hemi chungchang hi sawifiahin, a rilru-a thil awm dan huaisen taka a sawichhuah avangin mipuite fak a hlawh phah zawk a, midangte erawh chuan an harsatna tawh mek hi an hre lo der zawk a ni, a ti.

US-a Muslim mi luh khap a rawtna hi Repub-lican, White House bakah Britain Priem Minister David Cameron-te chuan an lo sawisel tawh a, Demoractic presidential candiate leh US Secretary of State hlui Hillary Clinton chuan IS pawl zawm tura mite hipluttu ṭha berah Trump chu a ṭang ta niin a sawi hial.