Russia tan hlauthawn tur a awm lo: Pentagon

6th January, 2016

Russia sorkarin document a tihchhuah tharah, an ram himna tiderthawng thei zingah US leh NATO a telh chu Pentagon chuan chhangin, Russia tan US hlauhna tur chhan a awm lo, a ti.

Pentagon thupuangtu Captain Jeff Davis chuan, "Engmah kan lakah hlauhthawnna neihna tur chhan a awm lo. Russia nena intihbuai hi kan tum ngai lo" a ti. Ngaihdan in ang lo te chu nei ṭhin mah se, hei hi an ram himna atana thil hlauhawm anga Russia-in a ngai a nih chuan thil dik lo a nih thu a sawi bawk.

Hetihlai hian US sipai hotu, General Joseph Dunford chuan kum 2015, July thla khan Russia chu Americal national security tiderthawng thei niin a lo sawi tawh a ni. Dunford hi Joint Chiefs of Staff chairman nin, president leh defence secretary tan top military advisor-te a lo ni tawh ṭhin a ni.