US museum aṭangin Lincoln-a kut a bo

US president 16-na leh sal chhuahtu ropui ni bawk, Abraham Lincoln-a kut bawr Kankakee County Museum-a dah chu tun hnai khan ruk bo a ni. Police-te pawhin a bo hunlai an hre thei lo a, rinhlelh emaw a bo lai hmutu pawh an awm miah lo.

Hun rei tak mipui hmuh theiha an phochhuah ṭhin hi december 11, 2015 hnu lama bo niin an ngai. Abraham Lincoln kha Illinois bialah roreltu a nih laiin president atan thlan tlin a ni a. Illinois hi "Lincoln-a ram" tia sawi leh koh ṭhin a ni.

Illinois-a Abraham Lincoln Presidential Library and Museum enkawltu

James Cornelius chuan Lincoln-a kaihhnawih thil rukbo tumna hi a inṭhamna rei tawh tih a sawi. Tun hnai mai pawh khan Lincoln-a kutziak leh lehkhabu te chu rukbo nia sawi a ni tawh. Kum 1870 chhoah khan misual rualin Lincoln-a ruang chu Sprongfield-a a thlan in aṭangin rukchhuah an lo tum tawh a, mah se an hlawhchham hluah thung.