China-a bus kangah mi 14 in nunna chan

Nimin chawhma lam khan China rama Ningxia bial khawpui Yinchuan ah bus a kanga, bus-a chuang mi 14 in nunna chanin midang 32 velin hliam an tuar. Hliam tuar zinga pariat chu an ngaihtuahawm deuh tih thuneitute chuan an sawi. He thila inhnamhnawih nia hriat misual tawrawt Ma Yongping chu police-ten an zawng mek. Yinchuan Public Security Bureau thupuangtu chuan kangmei chhuah chhan hi an chhui mek tih a sawi.

Tun hnai khan China ram chhungah bus a kang fo a, hetiang a thlen hian rilru lama chianglote mawhpuh an ni ṭhin. Nikum khan kum 35-a upa, Ngawr natna vei rilru buai chu kum 2014 july thlaa Hangzhou khawpuia bus a hal vangin tihhlum a ni. Hemi ṭum hian mi 33 in hliam an tuar nghe nghe. Tin, kum 2013 khan Xiamen bus hal a lo ni tawh a, hemi ṭum hian khualzin 48 in nunna an chan a ni.