North Korea-in Hydrogen bomb a enchhin

Nimin khan NKorea chuan an ram hmar chhak lam tuipui kam Punggye-ri hmunah Hy≠dro≠gen bomb an enchhin a, North Korea hruai≠tu Kim Jong-≠Un thu≠peka en≠chhinna hi neih thut a ni. Bomb puak hian lirnghing mag≠nitude 5.1 a na ang vel a siam. Hydrogen bomb hlawh≠tling taka enchhin a nih thu hi NKorea TV chuan a puang a; TV-a thupuangtu chuan sorkar thuchhuah chhiar chhuakin, hydrogen bomb test chu nuclear ralthuam famkim neih theihna tura ke penna hmasa a ni tih a tarlan bakah an hmelma ramte, a bikin US laka invenna tur ralthuam a ni tih a puang tel bawk.

Bomb test hi anmahni tualchher leh thiamna hmanga din a ni a, hei hian an thiamnate a rintlak tawk tih a lantir niin NKorea chuan an sawi.

NKorea thuneitute chuan nuclear siamchhuak turin ṭan an la zel dawn tih an sawi. NKorea in hydrogen bomb a enchhin hi US leh Japan ram chuan an helh hle a, US kap phak nuclear ralthuam an siam chhuah thuai an hlau hle. Japan thuneitute chuan bomb enchhin hi na taka demin, US, South Korea,China leh Russia hotute nen thukhat vuaa hmalak ṭul an tih thu an sawi.

Hydrogen bomb hi atom bomb ai in a thawk na a, siam chhuah pawh a harsa zawk niin mithiamte chuan an sawi. Tun ṭum hi NKorea in kum 2013 February hnua ralthuam hlauhawm enchhin a neih vawi thumna niin, kum 2007-a nuclear chungchang inbiakna a tlawlh hnu khan NKorea hian nuclear siamna hmunte a cheibawl ṭha leh a ni.

NKorea hian hydrogen bomb mai bakah hmun hla kahna ralthuam siamin a hmanhlel a. Tuihnuai lawng 70 a nei mek a, mah se hengte hi Soviet hunlaia an hluihlawn leh China lawng an siam danglam te an ni. Heng tuihnuai lawng te hi ballistic missile phur theia thuam ṭhat vek an ni thung.

Thermonuclear

(Hydrogen bomb)

Atom bomb pangngai hi atom phel darh aṭanga thahrui rawn insiam hmanga siam a ni a, Hydrogen bomb erawh chu atom inbelh≠bawmtirin thahrui a pek chhuah hmanga siam a ni

Atom pahnih inbelhbawmtir tur chuan lumna (heat) nasa tak a ngai ṭhin

Hydrogen bomb-a atom pahnih inzawmtir tura lumna siamtu (a kÍp or a tipuaktu) atan atom bomb (fission) hman a ni ṭhin.

Atom bomb aiin a let tam takin a chakin a hlauhawm zawk

Hydrogen bomb siam nan Uranium hman a ni ve lo a, Hy≠drogen isotopes (deuterium leh tritium) an hmang