Pak PM in Pathankot beihnaa nunna chante a tawrhpui

Pakistan Prime Minister Nawaz Sharif chuan thawhlehni khan PM Narendra Modi biain, Pathankot beihnaa nunna chan chhungte a tawrhpui thu a hrilh. Pakistan PM chuan Pathankot beihnaa inhnamhnawih nia hriatte India in a pek chu an chhuizui nghal zel tih a hrilh bawk.

India chuan firfiak hoten Jaish-e-Mohammad hotupa Maulana Masood Azhar in aṭanga an biakpawhte phone number ho Pakistan hnenah an hlan tawh a. Heng an biakpawh zingah hian Police SP Salwinder Singh number pawh a tel nia hriat a ni. Pathankot an beih hma hian Salwinder Singh hi firfiakte hian kawng lakah lambunin an rubo a ni.