Pakistan mi 100 chuangin ISIS zawm tawh

Middle East-a firfiak pawl tawrawt tak mai Islamic State-te chu Pakistan aṭanga zawmtu mi 100 chuang an tling tawh, heng zingah hian hmeichhia an tel bawk.

Punjab province law minister Rana Sanaullah chuan Pakistan nula leh tlangval 100 chuangin an ram chhuahsanin Syria leh Iraq an lut a, ISIS an zawm tawh tih sawiin, sorkar chuan
ṭhalaiten an zawm loh nan theihtawp a chhuah zel dawn tih a sawi.

Tun hnai khan Pa≠kistan ram chhungah ISIS zawm tura ṭhalai fuihtu eng emaw zat an man tawh a, an zingah hian hmeichhia pawh an tel.

Hetih lai hian tunhnai khan ISIS mithiamte chuan ralthuam thar lam siam chhuakin, thlawhtheihna kapthla thei an siamchhuak tih an sawi. Ralthuam an siamchhuah thar hian a tum a kapfuh chat chat thei niin an sawi a; mithiamte chuan heng hi khawthlang ramte ralthuam hluihlawn
aṭanga an siam a nih an ring.

Thawhlehni khan US kaihhruai sipai hotute chuan Islamic State-in an awpchin ram chu a zim tial tial tih an sawi. Iraq rama an luahchin zaa 40 vel an hloh tawh a; Syria ram an luah zaa 20 an hloh bawk.