US in Asia Pacific bial an thlithlai reng dawn

US sipai hmunpui Pentagon chuan Asia Pacific bial himna chu an ven reng bakah, a theih chin china inrawlh zel an tum thu sawiin, South China Sea-a China in dai a theu mek chu an thlithlai dawn tih an sawi.

Pentagon Press Secretary Peter Cook chuan helai biala inrawlh hi US chuan a bansan dawn lo a, innghirnghona awmlo tura tha thawh zel a tum tih a sawi.

Tunhnai khan China chuan South China Sea-ah thliarkar siamchawp a din a, Vietnam chuan an tuipui huamchhung nia sawiin a ngaimawh hle. China chuan he thliarkarah hian tunhnai khan thlawhtheihna a
ṭum tir nia hriat a ni. Cook chuan Defense Secretary in tunhnaia Asia ram hrang hrang a tlawh chu, US in helai bial a himna a ngaih pawimawh zia lantirna a nih thu a sawi. Helai biala US sipaite an inkhuar tlat hian pawimawhna a nei a, South China Sea bial himna leh muanna vawnghim tur hian US chuan a theihna zawng zawng a hmang dawn tih a sawi bawk.