Syrian raltlanin Europe kai nan Smuggler-te a nupui a pawngsualtir

Syrian tualchhung buaina tlansan turin mi tam tak Europe an kai mek a. Tunhnai khan Syrian pa pakhat chuan smuggler-ten Europe an kaipui manah pawisa a neih loh vangin a nupui a hlan. Smuggler-te hian he pa nupui hi pawisa aiah nitin an pawngsual ṭhin niin New York Times chuan a tarlang. He nu hian fa pali a nei a ni.

A nihna tarlan loh hmeichhia hi Berlin khawpuiah a pasal thunun leh venna hnuaiah hren a ni a. A pasal emaw a chhung khat lainate'n chhungkaw tihmelhemtu tia puha an thah mai a hlau hle tih an tarlang. West Berlin-a psychotherapist Susanne Hohne chuan he nu hian rilru leh taksa lamah harsatna namenlo a tawk tih a sawi. A enkawl hmeichhia 44 te chu hmeichhiat mipatna hmanga tihluih emaw chutiang hawia sawisak tawk vek an ni tih a sawi. Raltlan tam tak europe kai zinga pawngsual tawk hmeichhia ṭhahnem tak an awm tih hei hian a lantir nia hriat a ni.