Amazon rainforest-a thlawhtheihna tlaah mi 14 an thi

Brazil rama Amazon rainforest chhungah Inrinni liam ta khan thlawhtheihna te chi a tla a, he thlawhtheihnaa chuang mi 14 chu an thi vek niin Amazon state governor, Wilson Lima chuan a sawi.

Lima chuan Barcelos-a thlawhtheihna tla, Embraer PT-SOG aircraft-ah hian passenger 12 leh crew member pahnih an chuang tih a sawi. Amazon state capital, Manaus aṭanga jungle town Barcelos pana thlawk a ni. Ruah a sur nasa hle a, Barcelos a thlen hma deuhin che sualin a tla ta a ni, a ti. Passenger-te hi Brazil mi vek an ni.

Brazilian Air Force chuan thlawhtheihna chet sualna hmunah hian team tir nghalin, a chet sual dan chu an chhui chiang dawn tih an sawi.