SKorea-in NKorea dodalna lantir chhunzawm

South Korea chuan loudspeaker hmanga North Korea dodalna a puanchhuah chu nimin khan a chhunzawm leh a, hei hian NKorea a tithinur hle.

Nimin chawhnu dar 3 vel khan South Korea lam hian ramri
aṭangin North Korea lam hawiin loudspeaker broadcast hi a tichhuak chhunzawm leh a, official-te chuan an tihchhuahna hmun hi sipaiten uluk takin an veng niin an sawi.

Sipai official chuan, "North Korea-a King Jong-un-a sorkar leh nuclear test vawi li-na a neih chungchang te kan sawichhuak a, NKorea nuclear test-in a ram mipuite dinhmunte khirh leh harsa zawka a hnuhluh dante kan puangchhuak a ni" a ti.South Korea hian North lam sawiselna an puanchhuah ṭhin hi inremna an siam hnuah nikum August thla khan an lo titawp a, mahse North lamin hydrogen bomb a enchhin leh tak avangin an chhunzawm leh a ni. NKorea chuan South lam thiltih dan hi an inremna palzutna leh, indona chawh chhuah tumah a puh thung.

SKorea hian loudspeaker broadcast hi ramri hmun 11 aṭangin a tichhuak a, tiam chin awm loa chhunzawm zel a tum thu a sawi bawk. Loud≠speaker broad≠cast-ah hian North Korea sorkar chung≠chang bakah chanchin thar dang te, khaw chin leh zai te an tichhuak bawk. An thu puan≠chhuah hi zan lamah chuan km 24 leh chhun lamah km 10 china thui aṭangin hriat theih a ni.

United Nations Security Council chuan NKorea-in hydrogen bomb a enchhin chu sawiselin, khawvel himna tider^≠≠thawng thei thil a nih thu a sawi a, a thiltih avanga hian NKorea hremna pek dan tur pawh ngaihtuah a tum. US President Barack Obama pawhin Ningani khan Asia rama US thawhpui ram pahnih - South Korea leh Japan hruaitute chu NKorea chungchang hi a sawipui. Ram pathumte hian NKorea nuclear program tihtawp tumin hma an lo la tawh ṭhin a ni. UNSC-ah NKorea hremna na tak pekna tur resolution siam a nih theihna atana thawhho an remti.