Australia ramkang a zual zel

Australia ramkang chuan zual lam a la pan zel a, Yarloop khuaa chenna in 95 a kangchhe tawh a, chin hriat lohin mi pathum an awm.

Waroona ram kang hian ram hectare 58,000 a zau a tuam tawh a, Waroona, Har≠vey leh a chhehvel biala chengte tan warning tihchhuah a ni. Darkar khata km 60-a chaka thli a tleh tel avangin kangmei chhuak hi an la thunun thei lo a ni.

Western Australia Fire Commissioner Wayne Greg≠son chuan ramkang hi a la vang≠lai tak a nih avangin ṭhelh mit theih a ni rih lo tih sawiin, kangmei chhuak hian Yarloop Workshops leh Steam Musuem pawh a kangchhe tel a ni. Kangṭhelhtu mi pali ten hliam an tuar a, kangṭhelh motor pakhat pawh a chhe bawk.