PM hlui pahnihin inthlan thawh hnihna hmachhawn dawn

Central African Republic (CAR) president thlan thawh hnihna neih turah prime minister hlui pahnih an inhmachhawn dawn.

Kar hmasaa-a president thlanna neihah candidate zingah tling tura vote hmuh ngai zat, vote tla
aṭanga 50% hmu pha an awm loh avangin vote hmu sang pahnihten inthlan thawh hnihna, January 31-a neih tur hi an hmachhawn dawn a ni. President thlannaah hian candidate 30 an awm.

Inthlan thawh hnihnaah hian prime minister hlui pahnih, Anicet Georges Dologuele leh Faustin Touadera-te an inhmachhawn dawn a ni. Inthlan thawh khatnaah khan Dologuele hian vote hmu sang berin 24% a hmu a, Touadera hian 19% a hmu. Dologuele hi kum 1999-2001 inkar khan CAR prime minister a ni a, finance minister pawh a lo ni tawh bawk. Touadera hi kum 2013-a paihthlak, president hlui Francois Bozize-a hnuai≠ah prime minister a lo ni tawh bawk a ni.